केसुला मोरारो....

केसुला मोरारो....

----------------------

भर वूंदाळेम , तपते तावडेम

मनेमा मारे केसुला मोरारो.

चांदणी रातेम शीळी वाळेम

तारो गोरो मुखडा हारदारो...

चलोआवू म, रूडी आजो तू

फागणेमा तारो रंग लगाजो ,

मोवडारे रसेती भरी तारी आकी ,

नशिलो प्याला आज पराजो...

न घरेम, न कामेम मन लागरो

तारेबगर कतीं कोणी करमरो

भर वूंदाळेम, तपते तावडेम

लालो पीळो केसुला मोरारो....

झुमका लायोचू, पैंजण लिदोचू

सुखी संसारेरो सपनो दिटोचू,

तरसा मत, आजीक तडपा मत

छोरी आंगज भकम झुरमेलोचू....

तोनं भळेसारू, बोल बोलेसारू

घणो तडपरोचं जिवडा मारो...

भर वूंदाळेम, तपते तावडेम

लालो पीळो केसुला मोरारो....

तारेकारण फळ फुल फुलरेचं

मारे शिवारेम ; मारे वावरेम,

तारेतीज आवगोचं ये गुजरी

गडद नवो रंग मारे जिवनेम....

आवारा छू भटको बंजारा छू

छोडूनी कनायी साथ म तारो,

भर वूंदाळेम, तपते तावडेम

लालो पीळो केसुला मोरारो....

©️®️-----------

कवी- विनोद राठोड

कल्याण (मुंबई)