घटीर गीद.

भाई भेनेर विरह गिद.

भेन भाईर वाट देकच क मारो भाई मन कनां लेयेन आवच को???.

वोर मने मांईर फररे जकोणं एक एक माळा म्हणजे ई घटीर गिद.

*********

रक्षाबंधन निमित्त

***

घटीर गिद

******

रुळ्ण झुळ्ण रुळ्ण झुळ्ण रेडु केरो आयो ये,,,,,,

विरा मारो लेवान आरोच बाई य,,,,,,,,,,

पंडु रंग छकडा गुलाबी रंग जोडीय,,,,, ,,,,,

लेये सारु विरा आवुं केगो बाई य""""""

आवुं आंउ केगो बाई,

आशा लगागो य,,,

विरा मारो परेन चलोगो बाई य,,,,,,

परेन चलेगो विरा वर कोनी आयो ये,,,,

बाई न आशा लगागो विरेणा.,,,,,,

चड चड गटला न देकु विरा वाठडी,,,,,,

कती दसायेनी भजारो भाई बाई य,,,,

लालि तो लाली बाई गरदी वडच ये,,,,,

विरेणा लेयेन आरो च को बाई य,,,,

हात पग धोयेन गंगाळ भर मेली य,,,,,

गरदी वडन चलेगी बाई य,,,,,

चाया कर मेली गिलास भर मेलिये,,,,

चाया मारो शिळोगार वेगो बाई य,,,,

पोळी कर मेली संदुक भर मेली ये,,,,

वकिल विरारे कारण बाई य,,,

कोट शिडा मेली कमिज शिडा मेली ये,,,

पडो पडो कोट छियांगो बाई य,,,

चड चड टेकडा देकु विरा वाठडी,,,,

कतीज दिसेनी विरारो रातडो रुमाल,,,,,,,,,,,

छेळी वाळो छेळक्या, ढोरु वाळो गवाळ्या,,,

केद केद भिया मारे विरारी खबर,,,,

मातेप कोतळी किम चाली डोकरी,,,,

मन वता विरेणा आयेरो समंळ,,,,,

आली निली लकडी चुलेम बाळी बाई ये,,,,

धुंयेरे मसकेती रोई विरेणा,,,,

पान गळी मांई मन आंयु कोतो विरेणा,,,,

झड चाले बाई सारी डुंगरे र पान,,,,

जतरा पिपळेर पानये मारोणी,,,

ओतरा दनेरी मारे विरेणा री वाट,,,,

झडगे पिपळेर पानये मारोणी,,,,

खुटे लागी मोबी विरेणा री आस,,, ,,, ,,,

फाटी चितरिरी आशा छेनी विरेणा,,,,,,

मन छुटीये याडी बाबलु री हार,,,,

विरा सोजांण बाईआंउ को विय ये,,,,

भावज हाटीलणं रोक लिदी बाई य,,,,,

रेती पकेरु तो पलेम वड जाती ये,,, ,

याडी बाबलु ती मलियाती बाई य,,,,

,

वड वड कागला मायेरेन जोनी रे,,,,,

मोबी री खबर लियानी विरेणा,,,,,,,,,

अन आज

विरा न देकेन तरसच आंकी ये,,,,,,,,

हुबी वेरी लेताणींन राखी विरेणा,,,,,,,,,,,

*********

(भाईरो कळजो चावच जना घटीरो गिद मायलेम पुचच..)

;;;;;;;;;;;;;;;;;;;;;;;;;;;;;;;;;;;;;;;;;;;;;;;

गजानन जाधव सावरगांव कान्होबा🙏.

७७५५९५५०३२.