झाड छू ,म झाड़

झाड़ छूं मं झाड़

झाड छू म झाड,मनं हेट मत

पाड..

मनं मारतांणी तारो,झंडा मतं गाड,

मनक्या झंडा मत गाड...

फूल दिनोचु सुगंधी,फळ दिनोचू खायेनं...

तड़के माई छेंडी दिनों

, जगेनं दिनो ऑक्सीजन..

जगेद रे मनं अब,आ मत तू मारे आड़..

झाड़़ छूं मं झाड़़,मनं हेट मत पाड़..1

मं छूं तारो आधारं,मनं कराड़ी मत मारं..

मत तोड़़ हात पग,देख आकीमं मारे धारं..

मं जीवतो रेगो तो,तू जागीस घणं दाड़..

झाड़ छूं मं झाड़...2

सळगायो लकड़ीती चुलो,रांदन खादो जकोणं भुलो..

बळानं अलमारीपं बोजा मेलो,मं जीवतो छू रे पचं तू घावं कसेनं घालो..

वार करनं डिलेपरेरी

झील्पी मत काडं..

झाड़ं छूं मं झाड़ं..3

रेलगाड़ी मं,बळदगाड़ी मं,घाले ऊंची ऊंची माडी मं..

आयुर्वेदे सारु मनं ढूंढो चो,भटकन झाड़ी झाड़ी मं..

मरेताणू मनक्या तारों,मं पूरारो चू रे लाड़ं

झाड़ं छूं मं झाड़ं...4

तारों जन्मता झूलणो, जत्रामं आकाशी पाळणो..

लकड़ी टेकनं चालणो,आखरीमं मर्दानं बाळणो..

मं जिंदगी रो साथी तारो,वातं माथे मं रकाड़..

झाड़ं छूं मं झाड़ं,मनं हेटं मतं पाड़..

मनं मारतानी तारो झंडा मत गाढ़...

मनक्या मनं हेटं मतं पाड़..5

रचना..कवि=== विरेंद्र रत्ने