रिसेती कीदी सळोई (बंजारा गोरबोली गीत )

रिसेती कीदी सळोई

(बंजारा गोरबोली गीत )

-------****------

डळीसारु वेगी लढाई

बाई रीसेती कीदी सळोई ।धृ।

पाव शेर मंगाई ती बोटी

ई चुलेकनेती वेयनी छेटी

ओम मांगच तळीतळा ई

बाई रीसेती किदी सळोई |१।

काल रुयेरी गठडी वेची

ई पिलेन आवगो देशी

तेल खोडी सोय छेई

बाई रीसेती कीदी सळोई ।२।

रोज बेसन घरच खाव

बेटोबेटो डीलेम लाव

पाच पिसार छेई कमाई

बाई रीसेती कीदी सळोई ।३।

दिकाव हीरो राजारुप

येन देकन कत्रीकत्रा भुक

पडतांळी आव नालीरमाई

बाई रिसेती कीदी सळोई ।४।

काई तकदीर मारो फुटो

ई मार वेटेर बेटो

काई नसीबेम लकान लाई

बाई रिसेती कीदी सळोई ।५।

✍️---------------

रचना : सौ निरंजना चव्हाण

दारव्हा 🙏🙏🙏