हे सेवाभाया...! ✍विनोद राठोड

हे सेवाभाया...!

तू विचारेरो येक

ज्वलंत ज्वालामुखी छी...

दरी खोळाम भटकेवाळे

अगणित गोर बंजारारो

अनंत काळेती

प्रेरणास्थान छी..

अन्यायेरो प्रतिकार

महाकाय यल्गार

प्रेमेरो महासागर छी...

तू समजेची वतरा गोर

भोळे रे कोणी भेना‌ आब,

आपापणे सोयीनीया

गोरमाटी लदेनी करेलागेच,

धुर्त कपट कारस्थान भी

आजकाल खुलेआम करेलागेच...

सोतारो रान गोकलेन

गोधन दूसरेर रानेम

आब चरायेलागेच...

वाळ कीम जारी देकलेन

वाळेनीया गोलगोल घूमेलागेचं...

ये सारी आंधाधुदीम

समाजकारणेर परिक्षाम

झीरोच लायेलागेच...

दि- चार फोटू काडलेन

सोताच सोतान सेरायेलागेच

गोरमाटी आलादी

राजकारणीवूर जाळाम

गूतायेलागेच...

येक साहित्यिक केन

म आचेन आचो न कू

बलान बला न कू तो

कूण कीय?

कणातरी भरमेम जिंदगी

जगेवाळेवूर आकी वूघडीयं...

©️®️............

कवी - विनोद राठोड

कल्याण (मुंबई)