भाव
__________________
कोयी भाव दोछो कांयी भाव
ये शेतकरीर मालेन
कोयी भाव दोछो कांयी भाव .
यी शेतकरी , निसर्गेती , सरकारेती , बोगस बियाणो बणायेवाळ कंपनीती
हारगो छं . . .
नाम ओर पोशिंदा छ
पण भूको रे रोछ .
अवकाळी पाणी ओन तरसारो छं
हाते मुंडेम आयोजे माल सडारोछं
भाव छेनी करन मेहनतेरी कपाशी
घरेम वाट देकती पडी छं
कोयी भाव दोछो कांयी भाव
ये शेतकरीर मालेन
कोयी भाव दोछो कांयी भाव . . . .
काळे वावरेम , रातदन राबरो
सांजपरभाती जगेन पोसेर
विचार कररो .
आयपीएल क्रिकेट रमेवाळे
अन सिनेमाम नाचेकुदेवाळे
खोका ले लेन धासेवाळेन
भाव मळरो छ .
पण जगेर डिल ढाकेवार कपडा
बणायेर कपाशी उगायेवाळो
भाव मळेनी मालेन करन
उघडो पडरो छ . अन रो रोन केरो छ . . .
कोयी भाव दोछो कांयी भाव
ये शेतकरीर मालेन
कोयी भाव दोछो कांयी भाव .
____________________
✍️ एकनाथ ल . गोफणे
८२७५७२५४२३
धन्यवाद सर🙏🌹
खूपच छान...!